2 Hari 18:16-18

Ang Salita ng Dios (Tagalog Contemporary Bible)

¹⁶ Ipinatanggal ni Hezekia pati na ang mga ginto na nakabalot sa mga pintuan at hamba^[a] ng templo ng Panginoon at ibinigay niyang lahat sa hari ng Asiria.

¹⁷ Ipinadala ng hari ng Asiria ang pinuno ng mga kumander, mga punong opisyal, at ang kumander ng mga sundalo niya. Kasama nila ang napakaraming sundalo mula sa Lakish para harapin si Haring Hezekia sa Jerusalem. Tumigil sila malapit sa may daluyan ng tubig na nasa itaas ng lugar na pinag-iimbakan ng tubig kung saan naglalaba ang mga tao. ¹⁸ Ipinatawag nila si Haring Hezekia, pero ang pinapunta ng hari ay sina Eliakim na anak ni Hilkia, na namamahala ng palasyo, Shebna na kalihim at Joa na anak ni Asaf, na namamahala ng mga kasulatan sa kaharian.