2 Hari 14:21-23

Ang Salita ng Dios (Tagalog Contemporary Bible)

²¹ Ipinalit ng mga taga-Juda si Azaria na anak ni Amazia bilang hari. Si Azaria^[a] ay 16 na taong gulang nang maging hari. ²² Muli niyang itinayo ang Elat at naging bahagi ulit ito ng Juda nang mamatay ang ama niyang si Amazia.

Ang Paghahari ni Jeroboam II sa Israel

²³ Nagsimulang maghari sa buong Israel ang anak ni Joash na si Jeroboam II nang ika-15 taon ng paghahari ni Amazia sa Juda. Sa Samaria siya nakatira, at naghari siya roon sa loob ng 41 taon.