2 Cronica 28:22-24

Magandang Balita Biblia

Ang mga Kasalanan ni Ahaz

²² Lalong nagkasala laban kay Yahweh si Haring Ahaz sa panahon ng kanyang kagipitan. ²³ Naghandog siya sa mga diyus-diyosan sa Damasco, ang bansang tumalo sa kanya. Sinabi ni Ahaz, “Ang mga diyos ng mga hari sa Siria ang tumulong sa kanila, kaya doon ako maghahandog upang ako'y tulungan din.” Ito ang nagpabagsak sa kanya at sa bayang Israel. ²⁴ Ang lahat ng kagamitan sa Templo ay sinira ni Ahaz. Ipinasara niya ang Templo at nagpatayo ng mga altar sa lahat ng sulok ng Jerusalem.