2 Corinto 5:3-5

Ang Salita ng Dios (Tagalog Contemporary Bible)

³ At kapag nangyari ito, hindi matatagpuang hubad ang ating kaluluwa. ⁴ Habang nandito pa tayo sa ating katawan, dumadaing tayo dahil sa mga paghihirap. Hindi dahil sa gusto na nating mamatay, kundi dahil sa gusto na nating magkaroon ng bagong katawan, para mapalitan na ang katawang may kamatayan ng katawang walang kamatayan. ⁵ Ang Dios na rin ang siyang naghanda sa atin para tanggapin natin ang bagong katawan, at bilang katiyakan, ibinigay niya sa atin ang kanyang Banal na Espiritu.