2 Corinto 5:1-3

Ang Salita ng Dios (Tagalog Contemporary Bible)

Ang Bagong Katawan

5 Alam natin na ang ating katawang panlupa ay parang bahay na ating tinutuluyan habang nasa mundo pa tayo, at itoʼy masisira. Ngunit alam din natin na may inihandang katawang panlangit ang Dios para sa atin na hindi mamamatay kailanman. Ang katawang ito ay ginawa ng Dios at hindi ng tao. ² Dumaraing tayo sa ngayon, dahil pinananabikan nating maisuot na ang katawang panlangit. ³ At kapag nangyari ito, hindi matatagpuang hubad ang ating kaluluwa.