2 Corinto 13:11-13

Magandang Balita Biblia

¹¹ Mga kapatid, paalam na sa inyo. Sikapin ninyong maging ganap at sundin ninyo ang mga payo ko; magkaisa na kayo, at mamuhay nang payapa. Sa gayon, sasainyo ang Diyos ng pag-ibig at kapayapaan.

¹² Magbatian kayo bilang magkakapatid na nagmamahalan.^[a]

Kinukumusta kayo ng lahat ng mga kabilang sa sambayanan ng Diyos. ¹³ Nawa'y sumainyong lahat ang kagandahang-loob ng Panginoong Jesu-Cristo, at ang pag-ibig ng Diyos, at ang pakikisama ng Espiritu Santo.