2 Corinto 11:16-18

Magandang Balita Biblia

Mga Tiniis ni Pablo Bilang Apostol

¹⁶ Inuulit ko, huwag isipin ninuman na ako'y hangal. Ngunit kung ganoon ang akala ninyo, tatanggapin ko na, upang ako man ay makapagyabang nang kaunti. ¹⁷ Ang sinasabi ko sa pagmamalaking ito ay hindi buhat sa Panginoon kundi pagyayabang ng isang hangal. ¹⁸ Dahil marami ang nagyayabang tungkol sa mga bagay na makalupa, ako man ay magyayabang din.