2 Samuel 5:11-16

Magandang Balita Biblia

¹¹ Si Haring Hiram ng Tiro ay nagpadala ng mga sugo kay David. Pagkatapos, nagpadala siya ng mga kahoy na sedar at mga karpintero at kanterong gagawa ng palasyo ni David. ¹² Noon natiyak ni David na ang pagiging hari niya sa Israel ay pinagtibay na ni Yahweh at ginawang maunlad ang kanyang kaharian alang-alang sa bayang Israel.

¹³ Paglipat niya sa Jerusalem buhat sa Hebron, siya ay kumuha pa ng maraming asawa at asawang-lingkod. Nadagdagan pa ang kanyang mga anak. ¹⁴ Ito ang mga anak niya roon: sina Samua, Sobab, Natan, Solomon, ¹⁵ Ibhar, Elisua, Nefeg, Jafia, ¹⁶ Elisama, Eliada at Elifelet.