2 Bassekabaka 4:42-44

Endagaano Enkadde nʼEndagaano Empya

Erisa Agabula Abantu Ekikumi

^42 (A)Waaliwo omusajja eyava e Baalusalisa, n’aleetera omusajja wa Katonda emigaati egya sayiri kumi n’ebiri nga mmere ey’okubibala ebibereberye, ate era n’amuleetera n’ebirimba eby’eŋŋaano embisi. Erisa n’agamba omuweereza we nti, “Bigabire abantu babirye.”

^43 (B)Omuweereza we n’amuddamu nti, “Bino mbigabula ntya abantu ekikumi?” ⁴⁴ Naye Erisa n’amuddamu nti, “Bigabire abantu babirye, kubanga bw’ati bw’ayogera Mukama nti, ‘Banaalya ne bibalemeranawo.’ ” N’abibagabula, ne balya, ne bibalemeranawo, ng’ekigambo kya Mukama bwe kyali.