1 Timoteo 5:4-6

Ang Dating Biblia (1905)

⁴ Nguni't kung ang sinomang babaing bao ay may mga anak o mga apo, magsipagaral ang mga ito muna ng pamamahalang may kabanalan sa kanilang sariling sangbahayan, at magsiganti sa kanilang mga magulang: sapagka't ito'y nakalulugod sa paningin ng Dios.

⁵ Kaya't ang tunay na babaing bao at walang nagaampon, ay may pagasa sa Dios, at nananatili sa mga pagdaing at mga panalangin gabi't araw.

⁶ Datapuwa't ang nangagpapakabuyo sa mga kalayawan, bagama't buhay ay patay.