1 Samuel 2:12-14

Ang Salita ng Dios (Tagalog Contemporary Bible)

Ang Kasalanan ng Dalawang anak ni Eli

¹² Masasamang tao ang dalawang anak ni Eli. Hindi sila sumusunod sa Dios ¹³ dahil hindi nila sinusunod ang mga tuntunin tungkol sa bahaging matatanggap ng mga pari galing sa handog ng mga tao. Ito ang kanilang ginagawa kapag may naghahandog: Habang pinapakuluan ang mga karneng ihahandog, pinapapunta nila roon ang alipin nila na may dalang malaking tinidor na may tatlong tulis. ¹⁴ Pagkatapos, tinutusok ng alipin ang mga karne sa loob ng kaldero o palayok. Ang matusok ng tinidor ay ang bahaging mapupunta sa mga pari. Ganito ang kanilang ginagawa tuwing maghahandog ang mga Israelita sa Shilo.