1 Pedro 3:21-22

Ang Salita ng Dios (Tagalog Contemporary Bible)

²¹ Ang tubig na itoʼy larawan ng bautismong nagliligtas sa atin sa pamamagitan ng muling pagkabuhay ni Jesu-Cristo. Hindi ito paghuhugas ng dumi sa katawan, kundi pangako natin sa Dios na hindi na tayo gagawa ng anumang bagay na alam nating labag sa kalooban niya. ²² Si Jesu-Cristo ay nasa langit na ngayon, sa kanan ng Dios,^[a] at ipinasakop sa kanya ang lahat ng anghel at ang lahat ng espiritung namumuno at may kapangyarihan.