1 Corinto 16:12-14

Magandang Balita Biblia (with Deuterocanon)

¹² Tungkol naman sa ating kapatid na si Apolos, kinausap ko siyang mabuti upang dalawin kayo kasama ng ibang mga kapatid. Ngunit hindi pa siya makakapunta ngayon. Saka na siya dadalaw sa inyo kapag nagkaroon ng pagkakataon.

Pangwakas na Pananalita

¹³ Maging handa kayo at magpakatatag sa inyong pananampalataya. Maging matapang kayo at magpakatibay, ¹⁴ at ang lahat ng ginagawa ninyo'y gawin ninyo nang may pagmamahal.