1 Cronica 8:29-38

Ang Salita ng Dios (Tagalog Contemporary Bible)

²⁹ Si Jeyel^[a] na ama ni Gibeon ay tumira sa Gibeon. Ang pangalan ng asawa niya ay Maaca. ³⁰ Ang mga anak niyang lalaki mula sa panganay hanggang sa pinakabata ay sina Abdon, Zur, Kish, Baal, Ner,^[b] Nadab, ³¹ Gedor, Ahio, Zeker,^{[c] 32} at Miklot na ama ni Shimea.^[d] Tumira sila malapit sa kanilang mga kamag-anak sa Jerusalem. ³³ Si Ner ang ama ni Kish, si Kish ang ama ni Saul, at si Saul ang ama ni Jonatan, Malki Shua, Abinadab at Eshbaal.^{[e] 34} Ang anak ni Jonatan ay si Merib Baal^[f] na ama ni Micas. ³⁵ Ang mga anak na lalaki ni Micas ay sina Piton, Melec, Tarea at Ahaz. ³⁶ Si Ahaz ang ama ni Jehoada,^[g] at si Jehoada ang ama nina Alemet, Azmavet at Zimri. Si Zimri ang ama ni Moza, ³⁷ at si Moza ang ama ni Binea. Ang anak ni Binea ay si Rafa,^[h] na ama ni Eleasa, na ama ni Azel. ³⁸ Si Azel ay may anim na anak na lalaki na sina Azrikam, Bokeru, Ishmael, Shearia, Obadias at Hanan.