યર્મિયા 49

Gujarati: પવિત્ર બાઈબલ

“ઇસ્રાએલનું રક્ષણ કરનાર
    કોઇ વારસ નથી?
શું તેને કોઇ પુત્રો નથી?
    તો પછી મિલ્કોમદેવના પૂજકોને ગાદનો
પ્રદેશ શા માટે કબજે કરવા દે અને ત્યાં વસવા દે?

“તેમાનમાં કશી અક્કલ જ રહી નથી?
    તેમના સમજુ પુરુષો શમજણ ખોઇ બેઠા છે?
⁸ તેમની અક્કલ બહેર મારી ગઇ છે?
    દદાનના રહેવાસીઓ, પાસુ ફરીને દોડો.
સંતાઇ જાઓ!
    કારણ, એસાવના વંશજોની સજાનો સમય આવ્યો છે
    અને હું તેમના પર વિનાશ ઉતારનાર છું,

¹⁴ મેં યહોવા પાસેથી
    આ સંદેશો સાંભળ્યો છે,
“તેમણે બધાં રાજ્યોમાં સંદેશાવાહક
    મોકલીને કહેવડાવ્યું છે કે,
અદોમની વિરુદ્ધ સર્વ એકત્રીત થાઓ
    અને તેનો નાશ કરો.”
¹⁵ યહોવા કહે છે કે, “જો, હું તને રાષ્ટ્રો વચ્ચે તુચ્છ બનાવીશ
    અને માનવજાત દ્વારા તિરસ્કૃત બનાવીશ.
¹⁶ તું ઊંચા શિખરો પર કરાડોની ધારે વસે છે,
    તેથી, તારી માથાભારે તુમાખીએ
    અને તારા અંતરના અભિમાને તને ખોટે રસ્તે દોરવ્યો છે,
પરંતુ ગરૂડની સાથે તું શિખરો પર વસવાટ કરે,
    તોપણ હું તને ત્યાંથી નીચો પાડીશ.”
એમ યહોવા કહે છે.

²⁰ માટે, અદોમ અને તેના લોકો વિષે મારી યોજના શી છે,
    તે સાંભળી લો; અને જેઓ તેમાનમાં રહે છે
તેમની વિરુદ્ધ મેં ઘડેલી યોજના વિષે.
    નાનામાં નાના ઘેટાંને પણ ઘસડી જવાશે
    અને તેમાન નસીબે તેમના ઘેટાંના વાડાને પણ ભયત્રસ્ત કરવામાં આવશે.
²¹ અદોમના પતનના અવાજથી પૃથ્વી થથરશે;
    તેમના આક્રંદના અવાજના પડઘા રાતા સમુદ્ર સુધી ગાજશે.

“હમાથ અને આર્પાદ નગરો ભયથી મૂંજાઇ ગયા છે,
    તેમણે માઠા સમાચાર સાંભળ્યા છે.
ચિંતાથી તેઓ સાગરની જેમ ખળભળી ઊઠયા છે.
    તેમને નિરાંત વળતી નથી.
²⁴ દમસ્ક લાચાર બની ગયું છે.
    તેના સર્વ લોકો પાછા ફરીને નાસે છે.
પ્રસૂતિની વેદનાથી પીડાતી સ્ત્રીની જેમ ભય,
    પીડા તથા દુ:ખોએ તેના પર પક્કડ જમાવી છે.

“ચાલો, કેદારના કુળસમૂહો પર હલ્લો કરો;
    પૂર્વના એ લોકોનો સંહાર કરો.
²⁹ તેઓનાં ઘેટાંબકરાં, તંબુઓ તથા ઘરનો સર્વ સામાન કબજે કરવામાં આવશે,
    તેઓનાં ઊંટોને લઇ જવામાં આવશે;
    ચારેબાજુ ભયની ચીસો પડશે,
આપણે ચારેબાજુથી ઘેરાઇ ગયા છીએ
    અને આપણું પતન થયું છે.”
³⁰ યહોવા કહે છે: “ભાગો ભાગો,
    તમારો જીવ બચાવવા નાસી જાઓ.
    હાસોરના વતનીઓ, અરણ્યમાં દૂર દૂર સંતાઇ જાઓ!
કારણ કે બાબિલના રાજા નબૂખાદરેસ્સારે
    તમારી વિરુદ્ધ તમારો નાશ કરવા માટે કાવત્રું રચ્યું છે.

³⁵ “આ સૈન્યોનો દેવ યહોવાના વચન છે.
એલામનું બળ એનું ધનુષ્ય છે,
    હું એ ધનુષ્ય જ ભાંગી નાખનાર છું.
³⁶ અને એલામના લોકોને
    હું ચારે દિશામાં વિખેરી નાખીશ.
તેઓ દેશનિકાલ થઇ વિશ્વના
    સર્વ દેશોમાં ફેલાઇ જશે.”
³⁷ યહોવા કહે છે કે, “એલામનો નાશ કરવા
    તાકતા એના દુશ્મનોથી
એને હું ભયભીત બનાવી દઈશ.
    હું ભયંકર રોષે ભરાઇ તેમના પર આફત ઉતારીશ,
તેઓ જડમૂળથી ઊખડી જાય ત્યાં સુધી
    હું તેમના પર યુદ્ધ મોકલ્યા કરીશ.”
    આ યહોવાના વચન છે.
³⁸ યહોવા કહે છે કે, “હું એલામમાં મારું સિંહાસન સ્થાપીશ.
    અને ત્યાંના રાજાનો અને અમલદારોનો સંહાર કરી નાખીશ.”
    આ યહોવાના વચન છે.
³⁹ “પણ ભવિષ્યમાં હું એલામનું ભાગ્ય ફેરવી નાખીશ.
    હું તે લોકોને પાછા લાવીશ.”
    એમ યહોવા કહે છે.