भजन संहिता 100

Awadhi Bible: Easy-to-Read Version

¹ हे धरती, तू यहोवा बरे गावा।
² आनन्द स रहा जब तू यहोवा क सेवा करा।
    खुसी क गीतन क संग यहोवा क समन्वा आवा।
³ तू जान ल्या कि यहोवा ही परमेस्सर अहइ।
    उ हमका बनएस ह अउ हम ओकर भगत अही।
    हम ओकर भेड़ अही।
⁴ धन्यवाद क गीत संग लिए यहोवा क नगर मँ आवा,
    गुणगान क गीत संग लिए यहोवा क मन्दिर मँ आवा।
    ओकर आदर करा अउर ओकर नाउँ क धन्य करा।
⁵ यहोवा उत्तिम अहइ।
    ओकर पिरेम सदा सदा ही अहइ।
    हम ओह पइ सदा सर्वदा बरे भरोसा कइ सकित ह।