दरसन 18

New Chhattisgarhi Translation (नवां नियम छत्तीसगढ़ी)

“सतियानास हो गीस! बड़े सहर बाबूल ह सतियानास हो गीस!
    ओह भूतमन के अऊ जम्मो दुस्‍ट आतमामन के
अऊ जम्मो असुध अऊ घिन-घिन चिरईमन के डेरा हो गे हवय।
³ काबरकि जम्मो देस के मनखेमन ओकर छिनारीपन के मंद ला पीये हवंय।
    धरती के राजामन ओकर संग छिनारी करिन
    अऊ धरती के बेपारीमन ओकर बिलासिता के धन ले धनवान हो गे हवंय।”

“हे मोर मनखेमन, ओ सहर म ले निकर आवव,
    ताकि तुमन ओकर पाप के भागी झन होवव
    अऊ ओकर कोनो बिपत्ती तुम्‍हर ऊपर झन पड़य।
⁵ काबरकि ओकर पाप के घघरी ह भर गे हवय,
    अऊ परमेसर ह ओकर अपराध ला सुरता करे हवय।
⁶ ओकर संग वइसने करव,
    जइसने ओह तुम्‍हर संग करे हवय।
    ओकर कुकरम के दू गुना बदला चुकावव।
    जऊन कटोरा म ओह भरे हवय,
    ओ कटोरा म ओकर बर दू गुना भर देवव।
⁷ ओह जतेक डींग मारे हवय अऊ जतेक भोग-बिलास करे हवय,
    ओला ओतके दुःख अऊ तकलीफ देवव।
    ओह अपन मन म कहिथे,
‘मेंह रानी सहीं बईठथंव;
    मेंह बिधवा नो हंव, अऊ मेंह कभू दुःख नइं मनाहूं।’
⁸ एकरसेति एकेच दिन म ओकर ऊपर मिरतू,
    सोक अऊ अकाल के बिपत्ती आ पड़ही।
ओह आगी म भसम हो जाही।
    काबरकि जऊन ह ओकर नियाय करथे, ओह सर्वसक्तिमान परभू परमेसर ए।

‘हे महान सहर! हाय! तोर ऊपर हाय!
    हे बाबूल, सक्तिसाली सहर! एकेच घंटा म तोला तोर दंड मिल गीस।’

‘हे महान सहर! हाय! तोर ऊपर हाय!
    तेंह सुन्‍दर मलमल, बैंजनी अऊ लाल कपड़ा पहिरे रहय
    अऊ सोन, कीमती पथरा अऊ मोती ले सजे रहय!

‘हे महान सहर! हाय! तोर ऊपर हाय!
    एह ओ सहर ए,
    जेकर धन के जरिये समुंदर के जम्मो जहाज के मालिकमन धनी हो गीन।
एकेच घंटा म, ओह नास हो गीस।’

“महान सहर बाबूल ह अइसने बेरहमी ले फटिक दिये जाही,
    अऊ ओकर फेर कभू पता नइं चलही।
²² बीना बजइया, अऊ संगीतकार,
    बांसुरी बजइया अऊ तुरही बजइया मन के अवाज,
ए सहर म फेर कभू सुनई नइं पड़ही। कोनो काम के कोनो घलो कारीगर,
    ए सहर म फेर कभू नइं मिलही।
चक्‍की चले के अवाज,
    ए सहर म फेर कभू सुनई नइं पड़ही।
²³ दीया के अंजोर, ए सहर म फेर कभू नइं चमकही।
    दूल्हा अऊ दुल्हिन के अवाज,
ए सहर म फेर कभू सुनई नइं पड़ही।
    ए सहर के बेपारीमन संसार के बड़े मनखे रिहिन।
ए सहर ह अपन जादू के दुवारा जम्मो देस के मनखेमन ला बहकाय रिहिस।
²⁴ ए सहर म अगमजानी अऊ पबितर मनखे मन के लहू पाय गीस,
    अऊ धरती ऊपर जऊन मनखेमन मार डारे गीन, ओमन के लहू घलो ए सहर म पाय गीस।”