62 “مجھ کو صیون سے محبت ہے،
    اسلئے میں اس کے لئے بولتا رہوں گا۔
مجھ کو یروشلم سے محبت ہے،
    اس لئے میں چپ نہ رہوں گا۔
میں اس وقت تک بولتا رہوں گا جب تک کہ اس کی فتح سحر کی مانند نہ چمکے
    اور اس کی نجات روشن چراغ کی طرح جلو ہ گر نہ ہو۔
² پھر سبھی قومیں تیری يرو شلم ،
    فتح کی گواہ ہو ں گي۔
تیرے جلال کو سب بادشا ہ دیکھیں گے۔
    تبھی تو ایک نیانام پا ئے گا۔ جسے خود خداوند دیگا۔
³ خداوند کو تم لوگو ں پر بہت فخر ہو گا۔ تم خداوند کے ہا تھوں میں خوبصورت تاج کے مانند ہو گے۔
    ہاں، تمہا رے خدا کے ہا تھ میں ایک شاہی تاج۔
⁴ تب پھر تم کبھی ’خدا کے چھو ڑے ہو ئے لوگ ‘ نہیں کہلا ؤ گے۔
    تمہا ری زمین کبھی ’وہ زمین جسے خدا نے تبا ہ کر دیا‘ نہیں کہلا ئے گی۔
اور تم لوگ ’خدا کے عزیز‘کہلا ؤ گے۔
    تمہا ری زمین ’خدا کی دلہن کہلائے گی۔‘
کیوں کہ خداوند تم سے محبت کر تا ہے۔
    اور تیری زمین خداوند وا لی زمین ہو گی۔
⁵ جیسے ایک نو جوان ایک نو جوان پاک دامن کنواری کو بیاہتا ہے،
    ویسے ہی جو تجھے بناتا ہے تجھے بیاہ لیں گے۔
اور جیسے دلہا اپنی دلہن کے ساتھ خوش ہو تا ہے،
    ویسے ہی تمہا را خدا تمہا رے ساتھ مسرور ہو گا۔

⁶ “اے یروشلم! میں نے تیری دیواروں پر نگہبان مقرر کیا ہے۔
    وہ دن رات کبھی خاموش نہ ہوں گے۔”
اے لوگو جو دعا مانگتے ہو ئے خداوند کو اپنی ضرورت کی یاد دلا تے ہو،
    آرام مت کرو۔
⁷ تمہیں چا ہئے کہ خداوند سے دعا کر تے رہو اسے آرام نہ لینے دو
    جب تک کہ یروشلم کو ایسا شہر نہ بنا دے جس کی ستائش روئے زمین پر لوگ کر نے نہ لگیں۔
⁸ خداوند نے اپنے داہنے ہا تھ اور اپنے زور آور بازو ^[a] کی قسم کھا ئی ہے کہ
    اب سے میں تیرے اناج کو تیرے دشمنوں کو غذا کے طور پر نہ دوں گا۔
اور غیر ملکی تیری مئے جس کے لئے تو نے محنت کی،
    نہیں پیئیں گے۔
⁹ بلکہ وہی جنہوں نے فصل جمع کی ہے، اس میں سے کھا ئیں گے اور خداوند کی حمد کریں گے۔
    اور وہ جو انگور جمع کئے ہیں وہ مئے کو میرے گھر کے آنگن میں پئے گا۔
¹⁰ پھاٹک سے ہو تے ہو ئے آ ؤ۔
    لوگوں کے لئے را ہیں صاف کرو!
شاہراہ کو تیار کرو۔
    سڑک پر کے پتھر کو ہٹا دو۔
قوموں کے لئے نشان کے طور پر جھنڈا کھڑا کرو۔
¹¹ خداوند پو ری زمین کے لئے اعلان کر چکا ہے:
“صیون کی بیٹیوں سے کہہ دو:
    دیکھو! تمہا را نجات دینے وا لا آ رہا ہے۔
    وہ اپنے ساتھ تمہا رے اجر لا رہا ہے۔”
¹² اب سے اس کے لوگ “مقدس لوگ ”
    “خداوند کے ذریعہ بچا ئے گئے لوگ” کہلا ئیں گے۔
تم، یروشلم کہلاؤگے: “وہ شہر جس کو خدا تلاش کرتا ہے،”
    “وہ شہر جس کو خدا نے نہیں چھو ڑا ہے۔”