³ “وہ لوگ اپنی زبان کا استعمال کمان کے جیسا کرتے ہیں،
    انکے منھ سے جھوٹ تیر کی مانند چھو ٹتا ہے۔
پورے ملک میں سچائی کا نام و نشان نہیں ہے۔
    جھوٹ بڑھتا ہی چلا جاتا ہے۔
وہ مجھے نہیں جانتے۔”
    خدا وند نے یہ باتیں کہیں۔

⁴ “اپنے پڑوسیوں سے ہوشیار رہو،
    اپنے خاص بھائیوں پر بھی اعتماد نہ کرو۔
کیوں کہ ہر ایک بھائی دغا باز ہے۔
    ہر ایک پڑوسی غلط بیانی کرتا ہے۔
⁵ ہر ایک شخص اپنے پڑوسی سے جھوٹ بولتا ہے۔
    کوئی شخص سچ نہیں بولتا۔
یہوداہ کے لوگوں نے
    اپنی زبان کو جھوٹ بولنے کی تعلیم دی ہے۔
انہوں نے اس وقت تک گناہ کئے
    جب تک کہ وہ اتنا تھکے کہ لوٹ نہ سکے۔
⁶ ایک برائی کے بعد دوسری برائی آئی۔
    جھوٹ کے بعد جھوٹ آیا۔
لوگوں نے مجھ کو جاننے سے انکار کردیا۔”
    خدا وند نے یہ باتیں کہیں۔

⁷ اس لئے خدا وند قادر مطلق فرماتا ہے:
    “میں یہوداہ کے لوگوں کی آزمائش ویسے ہی کروں گا
جیسے کوئی شخص آگ میں تپا کر کسی دھات کی جانچ کرتا ہے
    میری کوئی اور دوسری پسند نہیں ہے۔
⁸ یہوداہ کے لوگوں کی زبان تیز تیر کی مانند ہے۔
    انکے منھ سے دغا کی باتیں نکلتی ہیں۔
ہر ایک شخص اپنے پڑوسی سے عمدہ باتیں کرتا ہے۔
    لیکن وہ باطنی طور سے اپنے پڑوسی پر حملہ کرنے کا منصوبہ بنا تا ہے۔
⁹ کیا مجھے یہوداہ کے لوگوں کو اس طرح کے برے کاموں کے کرنے کی وجہ سے سزا نہیں دینی چاہئے؟ ”
    یہ پیغام خدا وند کا ہے۔”
مجھے اس قوم کو سزا دینی چاہئے
    جو ایسی حرکت کرتی ہے۔”

¹⁰ میں پہاڑوں پر پھوٹ پھوٹ کر روؤں گا۔
    میں بیابان کی چراگاہوں میں ماتم کروں گا
    کیوں کہ وہ اتنے جل گئے کہ
کوئی آدمی وہاں جانے کی ہمت نہیں رکھتا۔
    جانوروں کی کوئی آواز سنائی نہیں دیتی۔
پرندے اور مویشی
    وہاں سے بھاگ گئے۔
¹¹ “میں(خدا وند) یروشلم کو کچڑے کا ڈھیر بنا دوں گا۔
    یہ گیدڑوں کا مسکن بنے گا۔
میں یہوداہ کے شہروں کو فنا کروں گا۔
    اس لئے وہاں کوئی بھی نہیں رہے گا۔”

¹⁹ “زور سے رونے کی آوازیں صیّون سے سنائی دے رہی ہیں۔
یقیناً ہم برباد ہو گئے۔
    بلا شک ہم شرمندہ ہیں۔
ہمیں اپنے ملک کو چھوڑ دینا چاہئے
    کیوں کہ ہمارے گھر نیست و نابود اور برباد ہوگئے ہیں۔”
²⁰ اے عورتو! خدا وند کا پیغام سنو،
    خدا وند کے الفاظ کو سننے کے لئے اپنے کان کھو ل لو۔
خدا وند فرماتا ہے، “اپنی دختروں کو بلند آواز سے رونا سکھا ؤ۔
    اور اپنے پڑوسیوں کو مرثیہ گانا سکھاؤ۔
²¹ 'موت صرف ہمارے گھر میں ہی نہیں
    بلکہ ہمارے محلوں میں بھی داخل ہو چکی ہے۔
سڑ کوں پر کھیلنے والے بچے
    اور بازاروں میں گھومنے والے جوانوں کی موت ہو گئی ہے۔‘

²² “اے یرمیاہ کہو: جو خدا وند کہتا ہے،
’وہ یہ ہے
    آدمیوں کی لاشیں میدان میں کھاد کی مانند گریں گی
اور اس مٹھی بھر اناج کی طرح ہوں گی جو فصل کاٹنے والے کے پیچھے رہ جاتا ہے
    جسے کوئی جمع نہیں کرتا۔”

²³ خدا وند فرماتا ہے:
“صاحب حکمت کو اپنی حکمت پر فخر نہیں کرنا چاہئے۔
    کوئی اپنی قوت پر اور مالدار اپنے مال پر فخر نہ کرے
²⁴ لیکن اصل میں انہیں مجھے جاننے اور سمجھنے میں فخر کرنا چاہئے کہ
    میں ہی خدا وند ہوں جو مستحکم محبت، انصاف اور صداقت لاتا ہوں۔
میں ان اصولوں سے خوش بھی ہوں۔”
    یہ خدا وند کا پیغام تھا۔