زەبوورەکان 150

Kurdi Sorani Standard

ستایشی خودا بکەن، لە پیرۆزگاکەی،
    ستایشی بکەن، لە گەردوونی هێزی،
² ستایشی بکەن، بۆ پاڵەوانیێتی،
    ستایشی بکەن، بەپێی زۆری مەزنایەتی،
³ بە دەم دەنگی کەڕەناوە ستایشی بکەن،
    بە دەم ساز و قیسارەوە ستایشی بکەن،
⁴ بە دەف و هەڵپەڕکێ ستایشی بکەن،
    بە ئامێری ژێدار و شمشاڵ ستایشی بکەن،
⁵ بە سەنجی بیستراو ستایشی بکەن،
    بە سەنجی دەنگ بەرز ستایشی بکەن!

⁶ با هەموو ئەوەی هەناسە دەدات ستایشی یەزدان بکات!

هەلیلویا.