زەبوورەکان 8

Kurdi Sorani Standard

تۆ شکۆمەندی خۆتت خستووەتە سەرووی ئاسمان.
² بە ستایشی منداڵان و شیرەخۆران
    هێزت بۆ خۆت دامەزراندووە لە دژی ناحەزەکانت،
    هەتا دوژمنە تۆڵەسێنەرەکانی پێ دەمکوت بکەیتەوە.
³ کاتێک تەماشای ئاسمانت دەکەم،
    کە پەنجەکانی تۆ دروستی کردووە،
    مانگ و ئەستێرەکان، کە تۆ لەوێ داتناون،
⁴ مرۆڤ چییە تاکو بیری لێ بکەیتەوە؟
    کوڕی مرۆڤ چییە تاکو بایەخی پێبدەیت؟

⁵ کەمێک لە فریشتەکانت^[b] بە کەمتر دانا و
    تاجی شکۆ و ڕێزت خستە سەری.
⁶ دەسەڵاتت داوەتێ بەسەر هەموو دەستکردی خۆتدا،
    تۆ هەموو شتێکت خستووەتە ژێر پێی ئەو:
⁷ هەموو مەڕ و مانگاکان،
    هەروەها ئاژەڵی کێوی،
⁸ باڵندەی ئاسمان و ماسی دەریا و
    هەرچی لەناو دەریادا دەژی.

⁹ ئەی یەزدانی پەروەردگارمان،
    ناوت لە سەراپای زەویدا چەند شکۆدارە!