65 اے صیّون کے خدا ! میں تیری تعریف کرتا ہوں۔
    میں تم کو وہ چیزیں دوں گا جس کا میں نے وعدہ کیا ہے۔
² میں تیرے اُن کاموں کا ذکر کرتا ہوں، جو تو نے کئے ہیں۔
    ہماری دعا ئیں تو سنتا رہتا ہے۔ تو ہر اس شخص کی دعا ئیں سنتا رہتا ہے ، جو تیری پناہ میں آتا ہے۔
³ جب ہمارے بد اعمال ہم پر غالب ہو تے ہیں ہم سے برداشت نہیں ہو پا تے۔
    تو تو ہما ری اُن خطا ؤں کا کفّارہ ادا کرتا ہے۔
⁴ اے خدا ! تونے اپنے مقدّس کو چُنا ہے۔
    تو نے ہم کوچُنا ہے کہ ہم تیری بارگا ہ میں آئیں اور تیری عبادت کریں۔
ہم بہت ہی مسرور ہیں،
    ہمارے عجائب تیرے مقدّس گھر میں ہیں۔
⁵ اے خدا ! تو ہما ری حفا ظت کرتا ہے۔
    نیک لوگ تجھ سے دُعا کرتے ہیں، اور توُ اُن کی فریادوں کا جواب دیتا ہے۔
اُن کے لئے تو تعجب خیز کام کرتا ہے۔
    ساری دنیا کے لوگ تجھ پر بھروسہ کر تے ہیں۔
⁶ خدا نے اپنی عظیم قدرت کو استعمال میں لا یا اور پہاڑوں کو بنا یا۔
    اس کی قدرت ہم اپنے چاروں طرف دیکھتے ہیں۔
⁷ خدا نے موجزن دریا کو پُر سکون کیا،
    اور خدا نے زمین پر لوگوں کا “سمندر” وجود میں لا یا۔
⁸ تمام لوگ خدا کے حیرت انگیز کارنا موں پر حیران ہیں۔ اے خدا، تو ہی ہر جگہ آفتاب کو اُگاتا اور چھپا تا ہے۔
    لوگ تیری توصیف کر تے ہیں۔
⁹ زمین کی نگہبانی تو کرتا ہے۔ تو ہی اُ سے سینچتا ہے
    اور تو ہی اس سے بہت ساری چیزیں اُگاتا ہے۔
اے خدا، ندیوں کو پانی سے تو ہی بھرتا ہے۔
    تو ہی فصلوں کو مہیا کرتا ہے۔
¹⁰ تو ہل چلا ئے کھیتوں پر پانی بر ساتا ہے۔
    تو کھیتوں کو پانی سے سیراب کر دیتا ،
اور زمین کو با رش سے نرم بنا تا ہے ،
    اور تو پھر پودوں کو پروان چڑھا تا ہے۔
¹¹ تو نئے سال کا آغاز بہترین فصلوں سے کرتا ہے۔
    تو وافر مقدار فصلوں سے گاڑیاں بھر دیتا ہے۔
¹² بیابان اور پہاڑ سبز گھاس سے ڈھک جا تے ہیں۔
¹³ بھیڑوں سے چراگاہیں بھر گئیں۔
    فصلوں سے وادیاں بھر پور ہو رہی ہیں۔
    ہر کوئی گا رہا ہے اور خوشی سے چلّا رہا ہے۔