103 اے میری رُوح، خداوند کی تعریف کر!
    میرے جسم کا ہر ايک حصّہ اُس کے پاک نام کی ستائش کر۔
² اے میری ر ُوح، خداوند کی تعریف کر
    اور مت بھُول کہ وہ سچ مُچ مہربان ہے۔
³ اُن سب بدکا ری کے لئے خدا ہم کو معاف کر تا ہے ،
    جن کو ہم کر تے ہیں۔ ہما ری سب بیماریوں کو وہ شفاء دیتا ہے۔
⁴ خدا ہماری جان کو قبر سے بچا تا ہے۔
    اور وہ ہمیں شفقت اور رحمت دیتا ہے۔
⁵ خدا ہمیں اچھی چیزیں دیتا ہے۔
    وہ ہماری جوانی کی طا قت عقاب کی نئے بڑھتے ہو ئے پر کی مانند دیتا ہے۔
⁶ خدا صادق اور انصاف وا لا ہے۔
    وہ مظلوموں پر انصاف لا ئے گا۔
⁷ خدا نے موسیٰ کو اسکی شریعت دی۔
    خدا جو پُر قوّت کام کر تا ہے اس نے بنی اسرائیل کے لئے ظا ہر کئے۔
⁸ خدا رحیم و کریم ہے۔
    خدا پُر تحمّل اور شفقت سے بھرا ہے۔
⁹ خدا وند ہمیشہ کے لئے ہمیں نہیں جھڑکتا
    خدا ہم پر ہمیشہ غضبناک نہیں ہو تا ہے۔
¹⁰ ہم نے خدا کی مخالفت میں گناہ کئے ،
    لیکن خدا ہمیں وہ سزا نہیں دیتا ،جو ہمیں ملنی چاہئے۔
¹¹ اپنے لوگوں پر خدا کی محبت اتنی بلند ہے
    جیسے آسمان زمین سے بلند۔
¹² خدا نے ہمارے گناہوں کو ہم سے اِتنی ہی دور ہٹایا
    جتنی مشرق کی دوری مغرب سے ہے۔
¹³ اپنے لوگوں پر خدا وند ویسے ہی مہر بان ہے
    جیسے باپ اپنے بیٹے پر مہر بانی کر تا ہے۔
¹⁴ خدا ہمارے بارے میں سب کچھ جانتا ہے۔
    خدا جانتا ہے کہ ہم مٹی سے بنے ہیں۔
¹⁵ خدا جانتا ہے کہ ہماری زندگی مختصر سی ہے۔
    وہ جانتا ہے ہماری زندگی گھاس جیسی ہے۔
¹⁶ خدا جانتا ہے کہ ہم ایک چھو ٹے جنگلی پھول کی مانند ہیں۔
    وہ پھول جلد ہی اگتا ہے پھر گرم ہوا چلتی ہے اور وہ پھول مُر جھا تا ہے۔
    اور پھر جلد ہی تم دیکھ نہیں پا تے کہ وہ پھول کس جگہ پر اگ رہا ہے۔
¹⁷ لیکن خدا وند کی شفقت ہمیشہ بنی رہتی ہے۔
    خدا ازل سے ابد تک اپنے لوگوں سے شفقت کر تا ہے۔
    خدا کا رحم نسل در نسل رہتا ہے۔
¹⁸ خدا ان لوگوں پر مہر بانی کر تا ہے جو اسکے عہد کو قبول کر تے ہیں۔
    خدا ایسے اُن لوگوں پر رحم کرتا ہے جو اسکے احکامات پر چلتے ہیں۔
¹⁹ خدا کا تخت آسمان پر قائم ہے۔
    ہر شئے پر اسکی ہی حکومت ہے۔
²⁰ اے فرشتو تم خدا وند کی ستائش کرو اے فرشتو!
    تم وہ طا قتور سپا ہی ہو جو خدا کے احکام پر چلتے ہو۔
    خدا کے احکام سُنتے اور مانتے ہو۔
²¹ اے خدا وند کے لشکرو ! خدا وند کی ستائش کرو۔
    تم اُس کے خادم ہو۔
    تم وہی کر تے ہو جو خدا چاہتا ہے۔
²² خدا وند نے ہر جگہ کچھ نہ کچھ بنایا ہے۔ خدا کی حکمرا نی ہر شئے پر ہر جگہ ہے۔
    اسلئے ہر شئے کو چاہئے کہ خدا وند کی ستائش کرے۔
اے میری رُوح تُو خدا وند کی ستائش کر۔