ئیشایا 12

Kurdi Sorani Standard

12 لەو ڕۆژەدا دەڵێیت:
    «ئەی یەزدان، ستایشت دەکەم،
هەرچەندە لێم تووڕە بوویت،
    بەڵام تووڕەییەکەت لە من دامرکایەوە و دڵت دامەوە.
² ئەوەتا خودای ڕزگاریی من،
    دڵنیا دەبم و ناترسم،
چونکە یەزدانی پەروەردگار هێز و سروودی منە و
    ئەو بوو بە ڕزگاریم.»
³ بە شادییەوە ئاو دەکێشنەوە
    لە کانییەکانی ڕزگاری.

«ستایشی یەزدان بکەن، ناوی ڕابگەیەنن،
    وا بکەن کردارەکانی لەنێو گەلاندا زانراو بێت،
    باسی ئەوە بکەن کە ناوی بەرز بووەتەوە.
⁵ گۆرانی بۆ یەزدان بڵێن،
    چونکە کاری شکۆمەندانەی کردووە،
    با ئەمە لە هەموو جیهاندا زانراو بێت.
⁶ ئەی نیشتەجێی سییۆن دەنگ بەرز بکەرەوە و هاوار بکە!
    چونکە خودا پیرۆزەکەی ئیسرائیل لەنێوتاندا مەزنە.»