Nnwom 122

Nkwa Asem

Yerusalem nkamfo

122 Wɔka kyerɛɛ me se, “Ma yɛnkɔ Awurade fi” no, m’ani gyei. ² Afei yegyina Yerusalem apon mu wɔ ha. ³ Yerusalem yɛ kurow a ɛyɛ fɛ na asomdwoe wɔ mu. ⁴ Ɛha na mmusuakuw no fi, Israel mmusuakuw no a, wɔrebɛda Awurade ase sɛnea n’ahyɛde no te no. ⁵ Israelhene tena ase bu ne nkurɔfo atɛn.

⁶ Bɔ asomdwoe mpae ma Yerusalem se, “Ma wɔn a wɔdɔ wo no nkɔso. ⁷ Ma asomdwoe mmra wo man mu na banbɔ mmra w’ahemfi.” ⁸ M’abusuafo ne me nnamfo nti, meka kyerɛ Yerusalem se, “Asomdwoe nka wo!” ⁹ Yɛn Awurade Nyankopɔn nti, mebɔ mpae srɛ nkɔso ma wo.