Mateo 10:28-31

Ang Pulong Sang Dios

²⁸ Indi kamo magkahadlok sa mga tawo nga makapatay sa inyo lawas pero indi makapatay sa inyo kalag. Ang Dios amo ang dapat ninyo kahadlukan, tungod nga siya ang sarang makalaglag sa inyo lawas kag sa inyo kalag sa impyerno. ²⁹ Indi bala barato lang ang pispis nga maya? Pero wala sing isa sa ila nga mahulog sa duta nga indi suno sa pagbuot sang inyo Amay. ³⁰ Kag kon parte sa inyo, bisan pa ang inyo buhok sa ulo naisip niya tanan. ³¹ Gani indi kamo magkahadlok, kay mas mahal pa kamo sang sa madamo nga mga maya.”