Job 25

Ang Pulong Sang Dios

Naghambal si Bildad

25 Dayon nagsabat si Bildad nga taga-Shua, ² “Gamhanan kag talahuron ang Dios. Ginapaluntad niya ang kalinong sa kalangitan. ³ Maisip bala ang iya mga soldado? May lugar bala nga wala nasanagan sang iya kasanag? ⁴ Paano makasiling ang isa ka tawo nga matarong siya sa atubangan sang Dios? May ara bala nga natawo nga matinlo? ⁵ Kon bisan ang bulan kag ang mga bituon indi masanag sa iya panulok, ⁶ ano pa ayhan ang tawo nga pareho lang sa isa ka ulod.”