Exodus 37:10-16

Ang Pulong Sang Dios

Ang Paghimo sang Lamisa nga Ginabutangan sang Tinapay^(A)

¹⁰ Naghimo man sila sang lamisa nga akasya, nga 36 ka pulgada ang kalabaon, 18 ka pulgada ang kasangkaron, kag 27 ka pulgada ang kataason. ¹¹ Ginhaklapan nila ini sang puro nga bulawan kag ginrebitihan sang bulawan ang mga kilid sini. ¹² Ginbutangan man nila ini sang sanipa^[a] sa kada kilid, nga apat ka pulgada ang kasangkaron, kag ginrebitihan nila sang bulawan ang sanipa. ¹³ Dayon naghimo sila sang apat ka sulosingsing nga bulawan kag gintakod ini sa apat ka tiil sang lamisa, ¹⁴ malapit sa sanipa. Diri nila gin-gulo ang mga tukon nga pangtuwang sa lamisa. ¹⁵ Ini nga mga tukon akasya kag nahaklapan sang bulawan. ¹⁶ Naghimo man sila sang mga kagamitan nga puro bulawan para sa lamisa: mga pinggan, mga tasa,^[b] mga yahong, kag mga tibod nga gamiton para sa mga halad nga ilimnon.