Add parallel Print Page Options

26 Nakatipon si Solomon sang 1,400 ka karwahe kag 12,000 ka kabayo. Ginbutang niya ang iban sini sa mga banwa nga bulutangan sang iya mga karwahe, kag ang iban didto sa iya sa Jerusalem. 27 Sang panahon nga siya ang hari, ang pilak sa Jerusalem daw pareho lang ka ordinaryo sa mga bato, kag ang kahoy nga sedro daw pareho kabugana sa ordinaryo nga mga kahoy nga sikomoro sa mga bulobukid sa nakatundan.[a] 28 Ang mga kabayo ni Solomon naghalin pa sa Egipto[b] kag sa Cilicia.[c] Ginbakal ini sa Cilicia sang iya mga manugbakal sa husto nga bili. 29 Sadto nga tion ang bili sang karwahe nga halin sa Egipto 600 ka bilog nga pilak, kag ang kabayo 150 ka bilog nga pilak. Ginbaligya man ini sang mga tinawo ni Solomon sa tanan nga hari sang mga Hithanon kag sang mga Arameanhon.[d]

Read full chapter

Footnotes

  1. 10:27 mga bulobukid sa nakatundan: sa Hebreo, Shefela.
  2. 10:28 Egipto: ukon, Muzur, nga isa ka lugar nga malapit sa Cilicia.
  3. 10:28 Cilicia: sa Hebreo, Kue.
  4. 10:29 Arameanhon: ukon, Syrianhon.