होशेय 14

Marathi Bible: Easy-to-Read Version

⁴ परमेश्वर म्हणतो,
“त्यानी माझा त्याग केली तरी मी त्यांना ह्या गोष्टीबद्दल क्षमा करीन.
    मी मोकळेपणाने त्यांच्यावर प्रेम करीन.
    आता मी त्यांच्यावर रागावलो नाही.
⁵ मी इस्राएलासाठी दहिवराप्रमाणे होईन.
    इस्राएल लिलीप्रमाणे फुलेल,
    लबानोनमधील गंधसरूंप्रमाणे तो फोफावेल.
⁶ त्याच्या फांद्यांचा विस्तार होईल
    व तो जैतुनाच्या सुंदर वृक्षाप्रमाणे होईल.
लंबानोनमधील गंधसरूंच्या गंधाप्रमाणे
    त्याचा सुवास असेल.
⁷ इस्राएलचे लोक, पुन्हा,
    माझ्या सुराक्षितेत राहातील ते धान्याप्रमाणे
वाढतील ते वेलीप्रमाणे विस्तारतील.
    ते लबानोनमधील द्राक्षारसाप्रमाणे होतील.”

⁸ “एफ्राईम, माझा (परमेश्वराचा) मूर्तीशी काहीही संबंध असणार नाही,
    तुमच्या प्रार्थनेला उत्तर देणारा मीच एकमीच आहे.
फक्त मीच तुमच्यावर लक्ष ठेवतो, मी सदाहरित देवदारूसारखा आहे.
    माझ्यामुळे तुम्हाला फळ मिळते.”

⁹ शहाण्या माणसाला या गोष्टी समजतात.
    चलाख माणसाने या गोष्टी शिकाव्या
परमेश्वराचे मार्ग योग्य आहेत.
    त्यामुळे सज्जन जगतील
    व दुर्जन मरतील.