स्रेस्ठगीत 3

Awadhi Bible: Easy-to-Read Version

मइँ उ मनसेधू हेरेउँ
    उ मोका नाहीं मिला।
³ मोका सहर क पहरेदारी मिलेन।
    मइँ ओनसे पूछेउँ, “का तू उ मनसेधू क लख्या जेका मइँ पियार करत हउँ?”

⁴ पहरेदारन स मइँ अबहिं तनिक दूर गएउँ
    कि मोका मोर प्रियतम मिलि गवा।
मइँ ओका धइ लिहेउँ।
    मइँ ओका जाइ क अनुमति नाहीं दिहा
अउर मइँ ओका आपन मताहरी क घरे लइ आवा,
    मइँ ओका उ कमरा मँ लइ आवा जहाँ पइ उ मोका जनम दिहे रहा।

⁷ सुलैमान क पालकी क लखा।
    ओन जात्र क पालकी क साठ फउजी घेरे भए अहइँ। इस्राएल क सक्तीसाली फउजी।
⁸ उ पचे सबहिं फउजी तरवारन स सुन्नर ढंग स सज्जित अहइँ।
    जउन जुद्ध मँ निपुण अहइँ;
    हर मनई क बगल मँ तरवार लटकत अहइ,
    जउन राति क खउफनाक खतरन बरे तइयार अहइँ।

⁹ राजा सुलैमान लोगन स एक ठु पालकी
    लेबानोन क देवदारू काठे स बनावाए रहा।
¹⁰ उ जात्रा क पालकी क बल्लन क चाँदी स बनाएस
    अउर ओकर टेक सोना स बनावा गवा।
पालकी क गद्दी क उ बैंगनी ओढ़ना स ढाँपि दिहस
    अउर इ यरूसलेम क बिटियन क जरिये पिरेम स बुना गवा रहा।
¹¹ सिय्योन क बिटियो,
    बाहेर आइके राजा सुलैमान क ओकरे मुकुट क साथ लखा
जउन ओका ओकर महतारी उ दिन पहिराए रही
    जब उ बियाहा गवा रहा,
    उ दिन उ बहोत खुस रहा।