स्तोत्रसंहिता 70

Marathi Bible: Easy-to-Read Version

70 देवा, माझा उध्दा्र कर.
    देवा लवकर ये आणि मला मदत कर.
² लोक मला मारायचा प्रयत्न करीत आहेत,
    त्यांची निराशा कर त्यांची मानखंडना कर.
लोकांना माझ्या बाबतीत वाईटगोष्टी करायच्या आहेत
    ते पडावेत आणि त्यांना लाज वाटावी असी माझी इच्छा आहे.
³ लोकानी माझी चेष्टा केली त्याबद्दल त्यांना योग्य ती शिक्षा व्हावी
    आणि त्यांना शरम वाटावी अशी मला आशा वाटते.
⁴ जे लोक तुझी उपासना करतात,
    ते खूप खूप सुखी व्हावेत असे मला वाटते.
ज्या लोकांना तुझी मदत हवी आहे
    त्या लोकांना नेहमी तुझी स्तुती करणे शक्य होईल अशी मला आशा वाटते.