स्तोत्रसंहिता 24

Marathi Bible: Easy-to-Read Version

³ परमेश्वराच्या डोंगरापर्यंत कोण जाऊ शकेल?
    परमेश्वराच्या पवित्र मंदिरात कोण उभा राहू शकतो?
⁴ तिथे कोण उपासना करु शकतो?
    ज्या लोकांनी वाईट कृत्ये केली नाहीत, ज्यांचे ह्रदय शुध्द आहे,
ज्यांनी माझ्या नावाचा उपयोग असत्य सत्य वाटावे यासाठी केला नाही
    आणि जे खोटे बोलले नाहीत व ज्यांनी खोटी आश्वासने दिली नाहीत असेच लोक तिथे आराधना करु शकतील.

⁵ चांगले लोक इतरांना आशीर्वाद देण्यासाठी परमेश्वराला विनंती करतात.
    ते चांगले लोक देवाकडे, त्यांच्या त्रात्याकडे चांगुलपणाची मागणी करतात.
⁶ ते चांगले लोक देवाचा मार्ग अवलंबतात.
    ते याकोबाच्या देवाकडे मदतीसाठी जातात.

⁷ वेशींनो, आपले मस्तक उंच करा.
    जुन्या दरवाजांनो, उघडा म्हणजे
    तो गौरवशाली राजा आत येईल.
⁸ तो गौरवशाली राजा कोण आहे?
    परमेश्वरच तो राजा आहे.
    तोच बलवान सैनिक आहे परमेश्वरच तो राजा आहे, तोच युध्दातला नायक आहे.

⁹ वेशींनो, तुमची मस्तके उंच करा.
    प्राचीन दरवाजांनो, उघडा म्हणजे
    तो गौरवशाली राजा आत येईल.
¹⁰ तो गौरवशाली राजा कोण आहे?
    सर्वशक्तिमान परमेश्वरच तो राजा आहे तोच तो गौरवशाली राजा आहे.