यिर्मयाह 31

Awadhi Bible: Easy-to-Read Version

“मइँ तोहसे पिरेम करत हउँ अउर मोर पिरेम सदैव रही।
    मइँ सदैव तोहरे बरे सच्चा रहब।
⁴ मोर दुलहिन, इस्राएल मइँ तोहका फुन बनाउब्या।
    तू फुन लोगन स भरा सुन्नर देस बनबिउ।
तू आपन तम्बूरा फुन सँभलबिउ।
    तू बिनोद करइवाले दूसर सबहिं लोगन क संग नचबिउ।
⁵ इस्राएल क किसानो, तू अंगूरे क बगिया फुन लगउब्या।
    तू सोमरोन सहर क चारिहुँ कइँती ओन पहाड़ी पइ ओन अंगूरन क बाग लगउब्या
    अउर किसान लोग ओन अंगूरन क बागन क फलन क आनन्द लेइहीं।
⁶ उ समइ आइ जब एप्रैम क पहाड़ी प्रदेस क चौकीदार इ सँदेसा घोसित करी:
    ‘आवा, हम आपन परमेस्सर यहोवा क उपासना करइ सिय्योन चली।’
एप्रैम क पहाड़ी प्रदेस क चौकीदार भी अहइ सँदेसा क घोसणा करिहीं।”

⁷ यहोवा कहत ह,
“खुस ह्वा अउर याकूब बरे गावा।
    सर्वस्रेस्ठ रास्ट्र इस्राएल क बरे उद्घोस करा।
आपन स्तुतियाँ करा।
    इ उद्घोस करा, ‘यहोवा आपन लोगन क रच्छा किहस ह।
    उ इस्राएल रास्ट्र क जिअत बचे भए लोगन क रच्छा किहस ह।’
⁸ मइँ उत्तर क प्रदेस स इस्राएल क लिआउब।
    मइँ पृथ्वी क बहोत दूर ठउरन स इस्राएल क लोगन क बटोरब।
ओन मनइयन मँ स कछू आँधर
    अउर लँगड़ा अहइँ।
कछू मेहररूअन गर्भवती अहइँ
    अउ बच्चन क जन्म देइहीं।
    असंख्य लोग वापस अइहीं।
⁹ लउटत समइ उ सबइ लोग रोवत रहा होइहीं।
    किन्तु मइँ ओनकर अगुवाई करब अउर ओनका आराम देब।
मइँ ओन लोगन क पानी क नालन क संग लिआउब।
    मइँ ओनका बढ़िया रास्तन स लिआउब जेहसे उ पचे ठोकर खाइके न गिरइँ।
    मइँ ओनका इ तरह लिआउब
काहेकि मइँ इस्राएल क बाप हउँ
    अउर एप्रैम मोर पहिलौटी क बेटा अहइ।

¹⁰ “रास्ट्रन, यहोवा क इ सँदेसा सुना।
    सागर क किनारे क दूर देसन क इ सँदेसा द्या कहा:
‘जउन इस्राएल क लोगन क बिखेरेस,
    उहइ ओनका एक संग वापस लिआइ
    अउर उ गड़रिया क तरह आपन झुंड (लोग) क देखरेख करी।’
¹¹ यहोवा याकूब क वापस लिआइ
    यहोवा आपन लोगन क रच्छा ओन लोगन स करी जउन ओनसे जियादा बलवान अहइँ।
¹² इस्राएल क लोग सिय्योन क ऊँचाइयन अइहीं,
    अउर उ पचे आनन्द घोस करिहीं।
ओनकर मुँह यहोवा क जरिये दीन्ह गइ नीक चिजियन क कारण खुसी स झूमि उठी।
    यहोवा ओनका अन्न, नई दाखरस, तेल, नई भेड़िन अउ गइयन देइ।
उ पचे उ बगीचे क तरह होइहीं जेहमाँ प्रचुर जल होइ
    अउर इस्राएल क लोग भविस्स मँ तंग नाहीं कीन्ह जाइँ।
¹³ तब इस्राएल क जुवतियन खुस होइहीं अउर नचिहीं।
    जुवा, बुढ़वा मनई भी उ नाच मँ भाग लेइहीं।
मइँ ओनके दुःख क सुख मँ बदल देब।
    मइँ इस्राएल क लोगन क आराम देब।
    मइँ ओनकर उदासी क खुसी मँ बदल देब।
¹⁴ याजकन बरे जरूरत स जियादा बलि भेंट दीन्ह जाइ
    अउर मोर लोग एहसे भरे पूरे अउर संतुट्ठ होइहीं जउन अच्छी चिजियन मइँ ओनका देब।”
इ सँदेसा यहोवा क अहइ।

¹⁵ यहोवा कहत ह,
“रामा मँ एक चिल्लाहट सुनाई पड़ी।
    इ कटु चिल्लाहट अउर जियादा उदासी भरी भवी अही।
राहेल आपन बच्चन बरे जोर-जोर स रोवत भवा ह।
    सान्त्वना पावइ स इन्कार करी,
    काहेकि ओकर बच्चन मर गएन ह।”

¹⁶ किन्तु यहोवा कहत ह: “रोउब बन्द करा,
    आपन आँखिन आँसू स न भरा।
तोहका आपन कामे क पुरस्कार मिली।”
    इ सँदेसा यहोवा क अहइ।
    “इस्राएल क लोग आपन सत्रु क देस स वापस अइहीं।
¹⁷ एह बरे इस्राएल, तोहरे बरे आसा अहइ।”
    इ सँदेसा यहोवा क अहइ।
    “तोहर बच्चन आपन देस मँ वापस लौटिहीं।
¹⁸ मइँ एप्रैम क रोवत सुनेउँ ह।
मइँ एप्रैम क इ कहत सुनेउँ ह:
    ‘हे यहोवा, तू फुरइ ही, मोका सजा दिहा ह अउर मइँ आपन पाठ सीख लिहेउँ ह।
    मइँ उ बछवा क तरह रहेउँ जेका कबहुँ प्रसिच्छन नहीं मिला
मेहरबानी कइके मोका सजा देब बन्द करा,
    मइँ तोहरे लगे वापस आउब।
    तू फुरइ ही मोर परमेस्सर यहोवा अहा।
¹⁹ हे यहोवा, मइँ तोहका भटक गवा रहा।
    किन्तु मइँ जउन बुरा किहेउँ ओहसे सिच्छा ल्या।
    एह बरे मइँ आपन हिरदय अउर जीवन क बदल डाएउँ।
जउन मइँ जवानी क उमिर मँ मूरखता स भरे काम किहेउँ
    ओकरे बरे मइँ परेसान अउर लज्जित हउँ।’”
²⁰ परमेस्सर कहत ह:
“तू जानत अहा कि एप्रैम मोर पियारा पूत अहइ।
    मइँ उ बचवा स पियार करत हउँ।
हाँ, मइँ अक्सर एप्रैम क खिलाफ बोलत हउँ,
    किन्तु फुन भी मइँ ओका याद राखत हउँ।
मइँ ओहसे बहोत पियार करत हउँ।
    मइँ फुरइ ही, ओका आराम पहोंचावइ चाहत हउँ।”
    इ सँदेसा यहोवा क अहइ।

²¹ “इस्राएल क लोगो, सड़कन क संकेतन क लगावा।
    ओन संकेतन क लगावा जउन तोहका घरे क मारग बतावइँ।
सड़किया क धियान स लखा।
    उ सड़किया पइ धियान राखा जेहसे तू जात्रा करत अहा।
मोर दुलहिन इस्राएल घर लउटा,
    आपन नगरन क लउटि आवा।
²² अबिस्सासी बिटिया
    कब तलक तू चारिहुँ कइँती मँडरात रहबिउ? तू कब घरे अउबिउ?”

यहोवा एक नबी चीज धरती पइ बनावत ह,
    एक ठु मेहरारू, मनई क चारिहुँ कइँती।

³⁶ यहोवा इ करार करत ह, “जइसा मइँ सूरज, चाँद, तारन अउर समद्दर पइ नियन्तत्रन रखत हउँ,
    वइसा ही मइँ इस्राएल क सन्तानन क ख्याल रखब।”

³⁷ यहोवा कहत ह: “मइँ इस्राएल क सन्तान क कबहुँ तियाग नाहीं करब।
    इ तबहिं संभव अहइ जदि लोग ऊपर आसमान क नापइ लागइँ अउर खाले धरती क समूचइ रहस्यन क जान जाइँ।
    जदि लोग उ सबइ कइ सकिहीं तबहिं मइँ इस्राएल क संतानन क तजि देब।
तब मइँ ओनका, जउन कछू उ पचे किहन, ओकरे बरे तजब।”
    इ सँदेसा यहोवा क अहइ।