यसायाह 25

Awadhi Bible: Easy-to-Read Version

25 हे यहोवा, तू मोर परमेस्सर अहा।
    मइँ तोहरे नाउँ क स्तुति करत हउँ अउर मइँ तोहका सम्मान देत हउँ।
तू अनेक अद्भुत कार्य किहा ह।
    जउन भी सब्द तू बहोत पहिले कहे रह्या उ सबइ पूरी तरह स फुरइ अहइँ।
    हर बात वइसी ही घटी जइसी तू बताए रह्या।
² तू नगर क नस्ट किहा।
    उ नगर सुदृढ़ चहरदीवारी स संरच्छित रहा।
    किन्तु अब उ मात्र पाथरन क ढेर रहि गवा।
परदेसियन क महल नस्ट कइ दीन्ह गवा।
    अब ओकर फुन स निर्माण नाहीं होइ।
³ सामर्थी लोग तोहार महिमा करिहीं।
    क्रूर जातियन क नगर तोहसे डेरइहीं।
⁴ यहोवा तू निर्धन लोगन बरे जउन जरूरतमंद अहइँ, सुरच्छा क ठउर अहा।
    अनेक बिपत्तियन ओनका पराजित करइ क आवत हीं किन्तु तू ओनका बचावत ह।
तू एक अइसा भवन अहा जउन ओनका तूफानी बर्खा स बचावत ह
    अउर तू एक अइसी हवा अहा जउन ओनका गर्मी स बचावत ह।
बिपत्तियन खउफनाक आँधी अउर घनघोर बर्खा जइसी आवत ह।
    बर्खा देवारन स टकरात ह अउर खाले बहि जात ह
    किन्तु मकाने मँ जउन लोग अहइँ, ओनका नोस्कान पहोंचावत ह।
⁵ नारा लगावत भए दुस्मन ललकारेस।
    घोर दुस्मन चुनौती देइ क ललकारेस।
किन्तु तू हे परमेस्सर, ओनका रोक लिहा।
    उ सबइ अइसे रहेन जइसे गर्मी कउनो खुस्क जगह पइ।
    तू ओन क्रूर लोगन क विजय गीत अइसे रोक दिहे रह्या जइसे सघन मेघन क छाया गर्मी क दूर करत ह।

⁹ उ समय लोग अइसा कहिहीं,
    “लखा इ हमार परमेस्सर अहइ।
इ उहइ अहइ जेकर हम बाट जोहत रहे।
    इ हमका बचावइ क आवा अहइ।
हम आपन यहोवा क प्रतीच्छा करत रहे।
    एह बरे हम खुसियन मनाउब अउर खुस होब कि यहोवा हमका बचाएस ह।”
¹⁰ इ पहाड़े पइ यहोवा क सक्ति अहइ
    अउर मोआब पराजित होइ।
यहोवा सत्रु क अइसा कुचिर डाइ
    जइसे भूसा कुचरा जात ह जउन खाद क ढेर मँ होत ह।
¹¹ यहोवा आपन हाथ अइसे पसारी जइसे कउनो तैरत भवा मनई फइलावत ह।
    तब यहोवा ओन सबहिं वस्तुअन क एकट्ठा करी जेन पइ लोगन क गर्व अहइ।
यहोवा ओन सबहिं सुन्नर वस्तुअन क बटोर लेइ जेनका उ पचे बनाए रहेन
    अउर उ एन वस्तुअन क लोकाइ देइ।
¹² यहोवा लोगन क ऊँच देवारन क नस्ट कइ देइ।
    यहोवा ओनके सुरच्छा ठउरन क नस्ट कइ देइ।
    यहोवा ओनका धरती क धूरि मँ पटक देइ।