भजन संहिता 92

Awadhi Bible: Easy-to-Read Version

⁹ हे यहोवा, तोहार दुस्मनन बर्बाद कइ दीन्ह जइहीं।
    उ सबहिं मनई जउन बुरा काम करत हीं, तितर-बितर कइ दीन्ह जइहीं।
¹⁰ मुला तू मोका जंगली बर्धा क नाईं मज़बूत बनाया ह।
    हम बरियार भेड़ा स बन जाब जेकर कर्रे सींग होत हीं तू मोह पइ खास तेल उड़ेर्या ह जउन ठंडापन देत ह।
¹¹ मइँ लखेउँ ह कि मोर दुस्मन मोका लखत हीं;
    मइँ सुनेउँ ह कि दुट्ठ लोग मोह पइ हमला करइ बरे तइयार बाटेन।

¹² नीक मनइयन लबानोन क बड़वार देवदार बृच्छ क तरह अहइँ
    जउन यहोवा क मन्दिर मँ रोपा ग अहइँ।
¹³ नीक मनइयन बाढ़त भए ताड़ क बृच्छ क नाई अहइँ,
    जउन हमार परमेस्सर क मन्दिर क आँगन मँ फलदार होत अहइँ।
¹⁴ उ पचे जब तलक बुढ़वा होइहीं तब तलक उ पचे फल देत रइहीं।
    उ पचे हरे भरे मोटा बृच्छ जइसे होइहीं।
¹⁵ उ पचे हर कउनो क इ देखाँवइ बरे हुआँ अहइँ कि यहोवा बिस्सास योग्य अहइ।
    उ मोर चट्टान अहइ।
    ओहमाँ कछू बुराइ नाहीं बाटइ।