یەرمیا 47

Kurdi Sorani Standard

«ئەوەتا ئاو لە باکوورەوە هەڵدەستێت و
    دەبێتە لافاوێکی ڕاماڵ،
زەوی و هەرچی لەسەریەتی ڕایدەماڵێت،
    شار و دانیشتووانەکەی.
خەڵکی هاوار دەکەن،
    هەموو دانیشتووانی خاکەکە واوەیلا دەکەن
³ لە دەنگی تەقەی سمی ئەسپە بە تواناکانی،
    لە خڕەی گالیسکەکانی و
    جیڕەی چەرخەکانی.
باوک ئاوڕ لە کوڕ ناداتەوە
    لەبەر شلبوونی دەستەکانی.
⁴ لەبەر ئەوەی ئەو ڕۆژە هاتووە
    بۆ تەفروتوناکردنی فەلەستییەکان و
بۆ بڕینەوەی هەموو پاشماوەیەک
    کە بتوانن پشتگیری پاشایەتی سور و سەیدا بکەن.
یەزدان خەریکە فەلەستییەکان تەفروتونا دەکات،
    پاشماوەی کەناری کەفتۆر.
⁵ خەڵکی غەزە لەبەر ماتەم سەریان دەتاشن،
    ئەسقەلان کپ دەبێت.
ئەی پاشماوەی خەڵکی دۆڵەکان،
    هەتا کەی لەشی خۆتان بریندار دەکەن؟