زەبوورەکان 124

Kurdi Sorani Standard

گۆرانی گەشتیاران، بۆ داود.

124 «ئەگەر یەزدان لایەنگرمان نەدەبوو،»
    با ئێستا ئیسرائیل بڵێت،
²«ئەگەر یەزدان لایەنگرمان نەدەبوو،
    کاتێک خەڵک لێمان هەستان،
³ئەوا بە زیندوویی قووتیان دەداین،
    کاتێک قینیان لە دژمان جۆشا،
⁴ئەوا لافاو ڕایدەماڵین،
    لێشاو بەسەر گیانماندا تێدەپەڕی،
⁵ئەوا ئاوی هەڵچوو
    بەسەر گیانماندا تێدەپەڕی.»

⁶ستایش بۆ یەزدان،
    کە ئێمەی نەکردە نێچیری بەر کەڵبەیان.
⁷گیانمان وەک چۆلەکە لە داوی ڕاوچی دەربازبوو،
    داوەکە پسا و ئێمە دەربازبووین.
⁸هانامان بە ناوی یەزدانەوەیە،
    دروستکەری ئاسمان و زەوی.

Kurdi Sorani Standard (KSS)

زەبوورەکان 124 Kurdi Sorani Standard

گۆرانی گەشتیاران، بۆ داود.

زەبوورەکان 124

Kurdi Sorani Standard